|
Все права на любые материалы, опубликованные на сайте, защищены в соответствии законодательства об авторском праве и смежных правах.
Любое использование текстовых, фото, аудио и видеоматериалов возможно только с согласия правообладателя.
Дятловская районная организации Белорусского профсоюза работников агропромышленного комплекса 2023
Аднымі з першых у раёне тысячу тон зерня новага ўраджаю перавезлі вадзіцелі ААТ “Граніт-Агра” Міхаіл Нагорны і Казімір Рысюк.
4 жніўня яны прымалі віншаванні ад кіраўніцтва раёна, гаспадаркі, дзе працуюць, і прафсаюзаў.
Першы намеснік старшыні райвыканкама – начальнік упраўлення сельскай гаспадаркі і харчавання Віталій Шулейка падзякаваў аграрыям за стараннасць і плённую працу, уручыў ім дыпломы пераможцаў раённага спаборніцтва.
Словы віншавання вадзіцелям таксама адрасавалі старшыня раённага аб’яднання прафсаюзаў Аляксандр Дубовік і старшыня раённага камітэта прафсаюза работнікаў аграпрамысловага комплексу Уладзімір Казак, уручылі ім кветкі і грашовыя прэміі.
З дасягненнем першага важнага рубяжа павіншаваў аграрыяў дырэктар прадпрыемства Станіслаў Мазур. Ад прафсаюзнага камітэта ААТ “Граніт-Агра” “тысячнікі” атрымалі памятныя вымпелы і грашовыя прэміі, ад артыстаў Данілавіцкага дома культуры – добрую песню і кветкі.
Пасля гэтага лідары жніва паспяшаліся вярнуцца да працы, а Станіслаў Мазур расказаў, як ідзе ўборачная кампанія:
– Сёлета маем някепскі ўраджай, тэмпы ўборкі – на ўзроўні мінулагодніх. Калі надвор’е дазволіць, плануем “дагнаць” сярэдні абласны паказчык.
Наталля АВЯРЧУК
