Новости
Все права на любые материалы, опубликованные на сайте, защищены в соответствии законодательства об авторском праве и смежных правах.
Любое использование текстовых, фото, аудио и видеоматериалов возможно только с согласия правообладателя.
Дятловская районная организации Белорусского профсоюза работников агропромышленного комплекса 2023
Павіншаваць яго са святам прыехалі старшыня раённага аб’яднання прафсаюзаў Аляксандр Дубовік і старшыня раённай арганізацыі Беларускага прафсаюза работнікаў аграпрамысловага комплексу Уладзімір Казак.
У час сустрэчы даўнія знаёмыя ўзгадалі яркія моманты працоўнай біяграфіі імянінніка, з якімі самі таксама знаёмыя не па чутках.
Дзятлаўшчына стала для Сямёна Макарэвіча другой радзімай. Ураджэнца вёскі Цырын Карэліцкага раёна запрасілі ў наш раён ва ўпраўленне сельскай гаспадаркі “паднімаць” жывёлагадоўлю.
Пасля аб’яднання саўгаса “Новаяльнянскі” і калгаса “Гвардыя” ён стаў кіраўніком новага сельгаспрадпрыемства. На гэтай пасадзе адпрацаваў 23 гады, зрабіўшы для свайго калектыву вельмі шмат. У няпростыя для ўсяго раёна часы Сямён Уладзіміравіч наладзіў стабільную работу прадпрыемства, сабраў штат высакакласных спецыялістаў, пабудаваў для іх службовыя кватэры, навучыў сваю каманду працаваць эфектыўна, абыходзячыся без пазыкаў і даўгоў.
Ён вывеў калгас “Гвардыя” на той высокі ўзровень, які і сёння падтрымліваюць сучаснікі, дазваляючы ААТ “Граніт-Агра” заставацца на лідарскіх пазіцыях.
Былы тытан сельскай гаспадаркі даўно на заслужаным адпачынку, але і сёння не зарастае народная сцяжына ў яго ўтульны гасцінны дом у Баравіках. Сам Сямён Макарэвіч вядзе размераны, поўны хатнімі клопатамі, лад жыцця: садзіць агарод і кветнік, разводзіць пчол, робіць нарыхтоўкі, з нецярпеннем чакае ў госці дзяцей і ўнукаў, якія вельмі любяць бавіць канікулы ў дзядулі.
Наталля АВЯРЧУК
Вернуться в раздел Новости