Новости
Все права на любые материалы, опубликованные на сайте, защищены в соответствии законодательства об авторском праве и смежных правах.
Любое использование текстовых, фото, аудио и видеоматериалов возможно только с согласия правообладателя.
Дятловская районная организации Белорусского профсоюза работников агропромышленного комплекса 2023
На Дзятлаўшчыне прадаўжаецца абласны месячнік бяспекі працы ў час выканання вясновых палявых работ.
Мабільная група райвыканкама, у якую ўваходзяць спецыялісты ўпраўленняў па працы і занятасці, сельскай гаспадаркі і харчавання райвыканкама, Дзятлаўскага райЦГЭ, раённай арганізацыі Беларускага прафсаюза работнікаў аграпрамысловага комплексу, праводзіць маніторынгі і прафілактычныя мерапрыемствы па ахове працы ў сельгаспрадпрыемствах раёна.
Іх мэта – кантроль за выкананнем правілаў аховы працы і папярэджанне няшчасных выпадкаў. Чарговы планавы маніторынг адбыўся ў КСУП “Войневічы”, якое наведалі галоўны спецыяліст сектара механізацыі ўпраўлення сельскай гаспадаркі і харчавання райвыканкама Сцяпан Вольскі і старшыня раённай арганізацыі Беларускага прафсаюза работнікаў АПК Уладзімір Казак.
Інспектары звярталі ўвагу на работу тэхнікі ў палявых умовах, наяўнасць у механізатараў пуцявых лістоў, адзнак аб праходжанні асведчання, спецадзення і сродкаў індывідуальнай абароны пры рабоце з хімікатамі. Таксама яны наведалі цэнтральную майстэрню сельгаспрадпрыемства, дзе праверылі стан абсталявання, работу такарнага і слясарнага аддзяленняў, у прыватнасці, станкоў для заточвання, спраўнасць і журнал паверкі кран-балкі, праведзена размова з працоўным калектывам прадпрыемства.
Аналагічныя маніторынгі прайшлі ў ААТ “Граніт-Агра”, ААТ “Дзятлаўская сельгастэхніка”, КСУП “Жукоўшчына”.
– З пачатку месячніка мы правялі шэраг маніторынгаў, у тым ліку сумесна з Навагрудскай міжраённай інспекцыяй працы наведалі ААТ “Дварэц-Агра”. Абавязкова праверым кожнае сельгаспрадпрыемства раёна, каб упэўніцца, што пасяўная кампанія ідзе не толькі актыўна, але і бяспечна, – падзяліўся Сцяпан Станіслававіч. – Акрамя таго, перад пачаткам вясновых палявых работ сумесна з Дзятлаўскімі райЦГЭ, РАНС наша мабільная група ў кожным сельскагаспадарчым прадпрыемстве раёна правяла семінар-вучобу з механізатарамі, вадзіцелямі, работнікамі майстэрняў, якія задзейнічаны ў сёлетняй пасяўной кампаніі.
Наталля АВЯРЧУК
Фота аўтара, удзельнікаў маніторынгу
па матэрыялах газеты "Перамога"
Вернуться в раздел Новости